بسم الله الرحمن الرحيم

وبه نستعين

        لازم علشان ابدأ المدونةالخاصة بيا اقول ليه انا اصريت انى اعمل مدونة

اول حاجة لما عرفت ان الحكومةاتجننت ومش عايزة حد يعمل مدونات عشان اللى بيعملوها ناس و حشين كان لازم اعملها لانى وحش

تانى حاجة اصلى احب كل ما الحكومة تقول حاجة اعمل عكسها شئ طبيعى ما الحكومة بتعمل كده كل حاجة تقولها تعمل عكسها و هى هيسة ويمكن فى يوم يخدونى فى الحكومة و يا عالم فى سجون الداخلية ولا على كراسى الوزارة

تالت حاجةاصلى بكلم نفسى و انا ماشى و المدونة احسن على الاقل الواحد قاعد و هو كله كلام

سامع صاحبى اللى خانقنى فى دنيتى و قاعد جانبى بيسألنى ليه اخترت اسم صبرنا يا رب 

اقولك يا سيدى ربنا يصبرنا على البلاوى من تحرش و حكومه و رجال اعمال و رجالة ماشية بالفياجرا و الاسم رجالة و حريم مضايقة و عاملة مش فاضية و الاسم حريم

ربنا يصبر شباب مضايق وناس مش لاقية الاكل و اسمها جعانة و ناس مش لاقية الجواز واسمها جعانة و مفيش جعان احسن من جعان

بقولكم ايه مش من اول زيارة نكد كفاية عليكم كدة يالا خلاص روحوا

و صبرنا يا رب

Welcome to your new blog. This is your first post. Edit or delete it, then start blogging!

An email has been sent to you giving you details of how to log in to the administration section. From there you can change the design by clicking on the tab MANAGE and then click on the tab THEMES. If you have any questions, ask them in the forums — we are only too willing to help.